Хар ба Алтан хайрцаг

harhairtsag copy copyНисэх онгоцонд хар хайрцаг гэдэг зүйл байдаг гэдгийг хэн хүнгүй л сонсож байсан байх. Барьж мэдэрч, харж үзээгүй ч гэсэн нэг багцаалдсан мэдээлэл, зураглал байдаг. Тэгвэл Хар хайрцаг /хар хайрцаг нэртэй ч улбар шар өнгөтэй байдаг/ нь онгоцны ослын үед үйлчлэгч ба зорчигч бүгд нас барсан тохиолдолд ослын шалтгааныг олоход, бас дахин осол гарахаас урьдчилан сэргийлэхийн тулд нисч явсан үеийн нөхцөл байдлыг гаргаж үзэх боломжтойгоор нислэгийн байдал болон онгоцны удирдлагын кабинын дуу хоолой, холбоо харилцаанд бичлэг хийхийн тулд зорчигчдын заал зэрэгт суурилуулсан төхөөрөмж юм. Онгоц осолдож шатсан ч гэлээ хар хайрцаг л үлдэж нотолгоо болдог аж.

altansav copy copyТэгвэл хүнд ч бас ийм төрлийн хайрцаг байна гэвэл та итгэх үү? Ийм төрлийн гэсэн нь онгоц сүйрэх, хүн нас барж үгүйрэх хоёрыг адилтгасан хэрэг. Нас барсан хүнд хар хайрцагтай адил алтан сав буюу алтан хайрцаг байдаг гэлцдэг. Буддын шашин, зурхай зурлагын нөлөөгөөр Алтан хайрцаг хэмээх зүйл хэдийн Монголчуудын танил болсон. Шинжлэх ухааны үүднээс хүлээн зөвшөөрөгдөх зүйл биш ч гэлээ ихэнх тохиолдолд онгоцны хар хайрцаг шиг бодит мэдээллийг өгдөг гэдэгтэй олон хүн санал нийлдэг. Нас барсан хүний алтан хайрцгийг нь нээж нас барсан шалтгаан, сүнс сүүдэр нь талийсан он цаг, хойт төрөл авах ёсон, төрлийг сайжруулах арга зам, уулзаж чадаагүй хүн, сэтгэл сүнс нь хоргодсон зүйлс зэргийг гаргадаг гэж “Дээдийн дээд номын хүрдэн буюу Бурханы шашны 108 асуулт” номонд бичжээ. Итгэх итгэхгүй нь хувь хүний дур ч гэлээ сайн зурхайчийн талийгаачийн алтан хайрцгийг нээж хэлсэн нь яг цав таарч байдаг нь нэгийг бодууштай л зүйл юм.
Ямартай ч энэхүү хоёр хайрцаг бодит болоод хийсвэр орон зайд хоюулаа л үнэн зөв мэдээллийг тодорхой хэмжээгээр өөртөө хадгалж үлдээдэг мэт…

С.Гүндсамбуу

©duuren.mn

3 “Хар ба Алтан хайрцаг

  1. Pingback: jateng siap ppdb com

  2. Pingback: www.cpns2016.com Info Pendaftaran CPNS 2018 di sscn.bkn.go.id

  3. Pingback: bandar bola online

Leave a Reply