Ч.Лодойдамба урлагийнхнаа зоригтой хамгаалдаг хүн байв

Хөгжмийн зохиолч Г.Бирваа

Хөгжмийн зохиолч Г.Бирваа

Энэ онд мэндэлснийх нь 100 жилийн ой тохиож буй төр нийгмийн зүтгэлтэн, эрдэмтэн зохиолч Ч.Лодойдамба амьдралынхаа ихэнх хугацааг урлаг соёлтой холбоотой  удирдах ажил хийжээ. Ингэхдээ уран бүтээлчид, урлагийн байгууллагуудаа хамгаалж зоригтой үг хэлж чаддаг удирдагч байсан гэдэг. Үүний нэг жишээг нэрт хөгжмийн зохиолч Гончигийн Бирваа “90 жилийн дурсамж” номондоо дурдсан байдаг. Г.Бирвааг Урлагийн гавьяат зүтгэлтэн цолоор шагнуулах асуудлыг Ж.Самбуу даргын өрөөнд хэлэлцээд “Бирвааг Сүхбаатарын одонгоор шагная” гэхэд нь тэнд байгсад юу ч хэлж чадаагүй аж. Гэтэл Соёлын яамны нэгдүгээр орлогч сайд Ч.Лодойдамба шууд босч ирээд “За дарга аа, Бирваа гэдэг хүнийг ажил төрлөө онц сайн хийж, есөн хоногт хоёр одонгоор шагнуулж явахад нь улстөрийн хилс хэрэгт баривчилж, долооон жилийн ял шийтгэж, шоронд суулгасан. Энэ хүн чинь өөрийн чадлаар өсч өндийн босож, хийсэн бүтээлээрээ түмэнд алдаршиж яваа уран бүтээлч. Дан хөгжим, нийтийн дуу, киноны хөгжим бичдэг манай өмнөө барьдаг хөгжмийн зохиолч. Улстөрийн хилс хэрэг нь үнэн мөнөө олж цагаатгагдсан. Одоо энэ хүндээ Урлагийн гавьяат зүтгэлтэн цол шагнахгүй юм бол бид түүхийн өмнө буруутан болно” гэснээр Г.Бирвааг Урлагийн гавьяат зүтгэлтэн цолоор шагнахаар болжээ. “Лодойдамба сайд миний тухай сайн тодорхойлон ярьж, цол олгох асуудлаа хамгаалаагүй бол миний шагнал хойшлон хойшилсоор “оройтсон бороо”-ны үлгэр болох байсан байх” (Г.Бирваа “90 жилийн дурсамж” II дэвтэр. УБ., 2016. тал-552.) хэмээн Төрийн соёрхолт хөгжмийн зохиолч Г.Бирваа дурсан бичсэн байдаг.

Ч.Лодойдамба салбарынхныхаа төлөө чин сэтгэлээсээ зүтгэдэг, урлагийн авьяастныг таньдаг, дэмждэг, бас юм хийлгэж чаддаг сайд байсныг талархан дурсах хүмүүс олон байдгийн ганцхан жишээг дурдахад ийм байна.

© duuren.mn

2 “Ч.Лодойдамба урлагийнхнаа зоригтой хамгаалдаг хүн байв

  1. Pingback: invitro pharamacology services

  2. Pingback: Hyderabad Corporate Event Management Company

Leave a Reply