Snow melody тоглолтын хэвлэлийн бага хурал боллоо

toglolt-copy-copy toglolt1Улсын Филармониос шинэ жилийн баярыг тохиолдуулан зохион байгуулдаг “Snow Melody” нэгдсэн тоглолтын хэвлэлийн бага хурал өнөөдөр буюу 2016 оны 12-р сарын 21-нд Улсын Филармонийн фойед боллоо. Тоглолтын талаар дэлгэрэнгүй мэдээлэл өгөх зорилгоор улсын Филармонийн маркетингийн албаны дарга Г.Алтан-Од, ерөнхий найруулагч ТС, УГЗ С.Сүхбаатар, гоцлол дуучин Н.Наранбаатар /СТА/, Л.Насанбуян /СТА/ нар хэвлэлийн бага хуралд оролцлоо. Хурлын үеэр тус тоглолтын ерөнхий найруулагч С.Сүхбаатар үзэгчдийн сэтгэлийг хөдөлгөсөн өмнөх жилүүдийнхээс шинэ уран бүтээлүүд, хуучны сэтгэлд хоногшсон мартагдсан шинэ жилийн дуунуудаас үзэгч, сонсогчдодоо толилуулахыг онцоллоо. Шинэ жилийн хамгийн том тоглолтын онцлог нь 200 гаруй уран бүтээлчдийн зүрх сэтгэл, авьяас хөдөлмөр шингэсэн баярын тоглолт гэдгээрээ онцлогтой аж. Тасалбарын үнээр үнэлэгдэшгүй гайхамшигтай, шинэ жилийн хамгийн том тоглолт болох Snow Melody-г 12-р сарын 23-нд СТӨ-нд ирж үзэхийг урьж байна. Та бүхэн амжиж СТӨ, Филармонийн касс, www.ticket.mn сайтаас тоглолтын тасалбараа захиалаарай. Гайхамшигтай тоглолт эхлэхэд хоёрхон хоног үлдлээ.

©duuren.mn

Leave a Reply