Үзэг нь хурц сэтгүүлчдийн сум нь мэргэн байлаа

uulzalt-copy-copy

Монголын Сэтгүүлчдийн Нэгдсэн Эвлэл өнгөрөгч 14,15-ны өдрүүдэд БНСУ-ын ЭСЯ-тай хамтарч “Монгол-Солонгос анд нөхдийн спорт уулзалт”-ыг Тэрэлжийн “Хос хад” хэмээх амралтын газар зохион байгууллаа. Уг спорт өдөрлөгийн хүрээнд хэвлэл мэдээллийн 70 гаруй сэтгүүлчид болон БНСУ-ын ЭСЯ-ны 10 гаруй ажилчидын дунд хоёр орны найрамдал, хамтын ажиллагааны талаар нөхөрсөг яриа өрнүүлж спорт арга хэмжээ зохион байгуулсан юм.

galaaahЭнэхүү арга хэмжээний хүндэт зочидоор МСНЭ-ийн ерөнхийлөгч Б.Галаарид, БНСУ-аас Монгол улсад суугаа ЭСЯ-ны 1-р нарийн бичгийн дарга Шин Сан Гюн нар хүрэлцэн ирж нээлтийн үйл ажиллагаан дээр үг хэллээ.

Хоёр орны дипломат харилцаа тогтоосны 26 жилийн ой энэ жил тохиож байгаа бөгөөд олон жилийн хамтын ажиллагаа болон Монгол, Солонгос үндэсний уламжлал, хувцасны талаар уулзалтанд оролцогчдын мэдлэгийг зузаатгах, Монгол үндэсний сурын харвааг таниулж, сэтгүүлч нарт үзгээ тавиад нэг өдөр нум сум барьж ёс заншилаа мэдрээд авах боломжийг бүрдүүлсэн сайхан үйл ажиллагаа болсон юм.

Монгол үндэсний бахархал болсон эрийн гурван наадмын нэг Монгол нум сум харвааны тэмцээнийг зохион байгуулсан нь онцлох үйл явдал байсан бөгөөд нум сум харвааны тэмцээнийг МСНЭ-ийн ерөнхийлөгч Б.Галааридын урилгаар “Онч сурын холбоо”-ны гишүүд зохион байгуулж, оролцогчдод харвах техник, уухайлах, сурын талбайн дэг жаяг зэргийг заасан юм.

sur-copy-copyМонгол нум сум харвааны тэмцээнд нийт 8 багийн 32 хүн оролцон цэц мэргэнээ сорьсоноос “Монголын мэдээ” сонины баг тэргүүн байр, удаах байрт гэрэл зурагчдын баг, гуравдугаар байрт МОНЦАМЭ агентлагийн баг тодорч шагналын эзэд боллоо. Ганцаарчилсан харвааны төрөлд МОНЦАМЭ агентлагийн спортын сэтгүүлч Д.Өлзийсайхан, дэд байрыг “Монта” студийн зураглаач Ч.Гэрэлт-Од, гутгаар байрыг “Хүмүүн бичиг”  сонины эрхлэгч Б.Элбэгзаяа нар тус тус эзэлж, өргөмжлөл, мөнгөн шагнал, медаль хүртсэн юм.

Үндэсний хувцасаа өмссөн үг нь хурц, үзэг нь хурц сэтгүүлчдийн маань хараа нь хурц, сум нь мэргэн байлаа.

Мөн Солонгос улсыг хэн сайн мэдэх вэ? танин мэдэхүйн АХА тэмцээн болж Бусан явах аяллын тийзээр “Засгийн газрын мэдээ” сонины дизайнер Д.Хулан, Инчеон явах аяллын тийзээр zaluu.com цахим хуудасны орлогч эрхлэгч н.Мөнхзул нар шагнууллаа. Харин караокены тэмцээнд МҮОНРТВ-ийн кино программын албанд дуу оруулагч Т.Эрдэнэбаяр тэргүүн байр эзэлж МСНЭ-ийн нэрэмжит шагналаар шагнуулсан юм.

 

С.Гүндсамбуу

©duuren.mn

14 “Үзэг нь хурц сэтгүүлчдийн сум нь мэргэн байлаа

  1. Pingback: adult mascots for rent

  2. Pingback: pezevenk

  3. Pingback: domino online

  4. Pingback: Wedding Organizers in Hitech City

  5. Pingback: 360 frontal

  6. Pingback: satta matka

  7. Pingback: DMPK Studies Organization

  8. Pingback: Coehumaan iraqi

  9. Pingback: Appliance repair North York

  10. Pingback: Klinik gigi banten

  11. Pingback: pay per click management service

  12. Pingback: warehouse for sale

  13. Pingback: adwords managtement

  14. Pingback: taboola guarantee company

Leave a Reply